АҚШ Ресейге тағы бір санкция салғалы жатыр

15 сәуір, 18:20
565

АҚШ Ресейге қарсы жаңа санкциялар салуды көздеп отыр, деп хабарлайды zakon.kz.

 

Мұндай іс-шаралар сайлауға кедергі келтірілгені және "ресейлік хакерлердің" АҚШ-тың мемлекеттік секторына жасаған шабуылдарына жауап ретінде жоспарланған.

 

Газета.ру сайтының хабарлауынша, Ресейдің бірқатар шенеуніктері мен 12 барлау қызметкері санкция тырнағына ілінбек.

 

Санкциялардың Вашингтон Ресейдің арнайы қызметтерінің бақылауында деп санайтын бұқаралық ақпарат құралдарына да әсер етуі мүмкін, - делінген хабарламада.

 

Bloomberg-тің хабарлауынша, жаңа санкциялар пакеті "Солтүстік ағым- 2" газ құбыры жобасына әсер етпейді.

 

Наурыз айының ортасында АҚШ президенті Джо Байден "Ресейге жауап беру керек" деп мәлімдеген еді.

 

Сәуірде Владимир Путиннің баспасөз хатшысы Ресей президенті АҚШ-пен жақсы қарым-қатынас орнатудың тұрақты жақтаушысы болып қала беретіндігін атап өтті.

 

Америкалық тараптың дүрдараздығы мен шалт әрекет ету қабілеті бізді екі ел арасындағы қатынастардың дамуының ең нашар сценарийлеріне дайын болуға міндеттейді. Бұл қатынастардың көлемінен гөрі америкалық қатынастарға қатысты мәселе көп екенін анықтайды, - деді Дмитрий Песков.