Алматыда анасын пышақтап өлтірген бозбала түрмеден құтылды

13 қазан, 19:00
347

Кәмелеттік жасқа толмаған алматылыққа анасын өлтіргені үшін медициналық сипаттағы мәжбүрлеу шараларын қолдануға бұйрық берілді, деп хабарлайды Stan.kz ақпарат агенттігі.

 

Іс құжаттарына сәйкес, 8 қаңтарда 15 жасар жасөспірім үйінде микротолқынды пешті пайдаланып қағаздарды өртеп жіберген.

 

“Өртті байқаған ана оған ескерту айтып, жалынды сөндіреді. Сол сәтте жігіт асхана пышағын алып, оның мойны мен кеудесіне бірнеше рет пышақ салған. Әйел оқиға орнында қайтыс болды”, - делінген Алматы қаласының қылмыстық істер жөніндегі мамандандырылған ауданаралық сотының хабарламасында.

 

Сот-психиатриялық сараптаманың қорытындысы жасөспірім қылмыс жасау кезеңінде психикалық бұзылуларға байланысты (параноидты шизофрения) өзінің әрекетінің қауіптілігін сезіне алмайтынын анықтады.

 

Кәмелетке толмаған жігіт сот үкімімен қылмыстық жауапкершіліктен босатылды. Оған медициналық сипаттағы мәжбүрлеу шаралары тағайындалды (психиатриялық стационарда мәжбүрлеп емделу).