Айжан Байзақова мен Қуат Хамитов отандық фильмде басты рөлді сомдады

21 қазан, 16:53
679

Айжан Байзақова отандық кинокартинада басты рөлді сомдады. Атышулы блогердің кинодағы жұбы анша-мұнша емес, аралас жекпе-жек шебері Қуат Хамитовтың өзі. Кеше елімізде "Портье: Мальчик на побегушках" фильмінің тұсауы кесілді, деп хабарлайды Stan.kz ақпарат агенттігі

"Кинодағы серігім Қуат болады дегенде, жұмсақ тілмен айтқан есеңгіреп қалдым. Себебі оған дейін арамызда түсініспеушілік болған. Бірақ біз бірге жұмыс істей алдық және бұл таңғалдырарлық жағдай. 
Міндетті түрде екі түрлі адамның бір киноға қалай түскенін көрулеріңіз керек", - деп бөлісті Байзақова Instagram-дағы парақшасында. 

 
Фильмнің режиссері - Олжас Ибраев, продюсері - Тимур Бақтыбаев. 
Тұсаукесерге қатысқан әнші Шоқан Маратұлы Хамитовтың ойынын жоғары бағалады.

"Менің ойымша, Қуат Хамитов әр қазақстандық баланың арманын жүзеге асырды. Өздеріңіз ойлап көріңіздерші, аралас жекпе-жек батыры, жаңалықтар мен түнгі өмірдің қаһарманы, ал енді кинода көңілдес-кейіпкер. 

Оның қасында еліміздің бүкіл жігіттері көз салған сексуалды бикеш - Байзақова! Қысқасы, Қуат жарадың! Өршіл, атаққұмар және еңбекқор. 
Маған сенің ойының ұнады", - деп жазды ол әлеуметтік желіде. 

Stan.kz