Алматы облысында қатты сел жүрді: Куәгерлер оқиғаның видеосын жариялады

10 маусым, 19:50
742

Алматы облысының Панфилов ауданында қуатты сел жүрді. Оқиға сәтін куәгерлер видеоға түсіріп алды.

"Сұмдық көрініс", "Бұл жыл сайын болады, таңғалатын жайт емес", "Неге дүрбелең саласыздар, бастысы - адамдар тірі және сау, бұл табиғи құбылыс", - деп жазады олар түсініктемелерде.

 
Зардап шеккендер мен көз жұмғандар жоқ, деп хабарлады ТЖД баспасөз қызметі.

9 маусымда Жетісу Алатау жотасының оңтүстік беткейінің орта таулы бөлігінде сел тасқыны жүрді. Бұған қатты жауын-шашын себеп болды. Өңірде жаңбыр мен бұршақ жауды.

Лас су ағындары Ақжазық ауылының маңындағы жолға қарай ағылды. Енді автомобильдер жол бойымен штаттық режимде өтеді. Су тасқыны елді мекендерге қауіп төндірмейді, деп хабарлады ТЖД.