Илья Ильин Қазақстан Спартакиядасында үздік көрсеткішпен жеңіске жетті

09 августа, 18:07
0 1

Қазақстандық ауыр атлет Илья Ильин Талдықорғанда өткен Қазақстан Спартакиядасында жеңіске жетті, - деп хабарлайды Vesti.kz.

Әлемнің төрт дүркін чемпионы 102 келіге дейінгі категорияда өнер көрсетті. Жұлқа көтеруде ол 170 келі салмақты бағындырды. Оның үстіне ол үш мүмкіндіктің екеуін ғана пайдаланғанын айта кетейік. Біріншісінде ол 165 келі көтерді.

Ал серпе көтеруде Ильин бірінші мүмкіндігінде 200 келіні игере алмады. Екінші мүмкіндікте ол бұл салмақты көтерді де, үшіншісіне 205 келіге тапсырыс берді. Бірақ атлет 205 келіні көтере алған жоқ. Осылайша, жалпылай Ильин 370 (170 + 200) келі жинады.

"Кей жеріне ризамын, кей тұсына көңілім толмайды. Жұлқада жақсы көтердім, ал серпеде қолым жүрмеді. Әлем чемпионатында 217 көтеруім керек, ал мұнда тек 200 ғана. Ары қарай жұмыс істейміз. Былтырдан кейін қалыпқа келіп жатырмын. Жұлқа көтеруім қуантады, ілгерлеу бар. Жалпы ары қарай жұмыс істеу қажет", - дейді Ильин.

Айта кетейік, бұл спортшының осы маусымдағы ең жақсы көрсеткіші. Бұған дейін ол 365 (165+200) келіні Токиода көтерген.

Басты жарыстарда Ильин 96 келіге дейінгі салмақта өнер көрсететін болады.