Түркістан облысында жас жігіт үш мың теңге үшін ауылдасын атып мерт қылды

11 июля, 20:44
0 1

Түркістан облысында 18 жастағы жігіт 3 мың теңге үшін өзінің ауылдасын атып тастады. Аталған жайт 7 шілде күні орын алған деп хабарлайды NUR.KZ.

Мақтарал аудандық соты Жаңаауыл ауылдық округіне қарасты Ынтымақ ауылының 2000 жылы туған кәмелетке толмаған тұрғыны М. Карымды екі ай мерзімге қамауға алды (тергеу уақытында). Жасөспірімді Мақтаарал АІІБ-нің тергеу органдары ҚР Қылмыстық кодексінің 99-бабы (кәмелетке толмаған тұлғаны бұзақылық жасап, өлтіру) бойынша айыптап отыр.

Тергеу органдары берген ақпаратқа сәйкес, 7 шілде күні сағат кешкі жетілерге таман Ынтымақ ауылында айыпталушы бұзақылық жасап, өзінің құрдасының аяғына шолақ мылтықтан оқ атқан. Жасөспірімнің аяғындағы күретамырына зақым келген. Жас жігіт тез арада ауруханаға жеткізілгенімен, оны аман адып қалу мүмкін болмады. Ол сол күні ауруханада көз жұмған.

Алдын ала дерек бойынша, жастар арасындағы кикілжің қаражат үшін туындаған. Қайтыс болған баланың інісі айыпталушыға 3 мың теңге қарыз болған.