"Балалар үйіне немесе туысқандарға": Айдана Меденова қымбат киімдерін кімге сыйлайды

09 августа, 10:46
0 1

Айдана Меденова киімдерін балалар үйіне береді, деп хабарлайды Stan.kzақпарат агенттігі "Ел аузында" бағдарламасына сілтеме жасап.

Чемодан, чемоданымен апарамын

Белгілі әнші Айдана Меденова қайырымдылық жасап, мұқтаж жандарды қуантқанды жақсы көреді. Содан болар өнер иесі балалар үйіне, аналар үйіне чемодан, чемодан қылып киілмейтін киімдерін беріп, жақсылық жасайды. 

"Керек емес киімдерді туысқандарыма беремін. Немесе балалар үйіне апарамын. Балаларымның да киімдерін ата-анасы жоқ сәбилерге беремін. Қазір жас аналар үйлері бар. Ол жерге де кішкентай сәбилердің киімдері қажет. Сол жаққа чемодан, чемоданымен апарамын", - дейді Айдана Меденова. 

Қолында барын мұқтаж адамдармен бөлісетін өнер иесі балалар үйіне жиі бас сұғатын көрінеді. Тіпті кейбіреуімен тығыз байланыста екен. Қайырымдылықты жөн санайтын әнші осылайша ағынан жарылды.

"Соңғы рет балалар үйіне жарты жыл бұрын бардым. Олар да өзіме хабарласып тұрады. Әр жарты жыл сайын хабарласады. Кейбіреулері мені біледі. Сол жерде қыздар бар", - дейді Айдана Меденова.