Көзіне жас алды: Гүлнәз Әлімгерейге күйеуі тікелей эфирде тосынсый жасады

02 ноября, 11:02
0 1

Гүлнәз Әлімгерейге жолдасы Нұрділдә Ораз тікелей эфирде тосынсый жасап қуантты. Тележүргізуші жақында бесінші баланың анасы атанбақ.
Танымал тележүргізушіге тікелей эфирде тосыннан сый жасалды. Бұл жағдай "Ниет" бағдарламасында болды.

Бағдарлама "Декреттік демалыс" тақырыбында әңгіме қозғады. Осыған орай Нұрділдә Ораз скайп арқылы тікелей эфирге шығып, жарына сый жасады.

Бастапқыда не болып жатқанын түсінбеген тележүргізуші, мән-жайды білген соң көз жасына ерік берді.

Алдымен жаратқанға, екінші сенің бойыңа тәлім-тәрбиені төгіп берген ата-анаңа алғыс айтамын. Осы уақытта қасымда болғаныңа рахмет айтам. Үшіншіден, сені өз қызындай қабылдап, махаббатымен бөліскен ата-анама, бауырларыма ризамын", - деді Нұрдәлді Ораз.

Жолдасы шаңырақ құрғанына 15 жыл толуына байланысты тілегін айтып, алғысын айтты. Студияға ұлы мен қызы шығып, торт пен гүл ұсынды. Одан бөлек Нұрділдә Ораздың сөзі мен әніне жазылған, жарына деген махаббатының куәсі ретінде "Гүлназым" атты әннің тұсауы осында шешілді.