Атыраулық ару Miss Virtual Kazakhstan атанды

09 октября, 10:32
0 1

Атыраулық бойжеткен Miss Virtual Kazakhstan атанды, - деп хабарлайды atpress.kz басылымы.

Байқау жеңімпазы, яғни жаңа сұлулық ханшайымы Арайлым Ишахат ауданға беделді сот судьясы Әділ Құспанов пен жоғары санатты музыкант Гүлнар Хайырлиеваның отбасында дүниеге келген. Екі әпкесі мен артынан ерген інісінің ортасында еркелеп өскен ол балалық шағынан музыка әлемін жанына жақын тұтып, ән шырқап, гитарада ойнайды.

Астана медициналық университетін "Қоғамдық денсаулық сақтау" мамандығы бойынша былтыр ғана бітірген сұлу Miss Virtual Kazakhstan байқауының 3 кезеңінен сүрінбей өтіп, жеңіске жетті.

Арайлым, енді "Виртуалды әлем аруы" халықаралық конкурсының финалында Қазақстан атынан бақ сынайтын болады.

Бүгін әлемнің түрлі елдерінен келген 20 сұлу қыз Miss Virtual World тәжі үшін финалдық дауыс жинауда. Олар көрермен көзайымы үшін күреседі.

Дауыс беру inDriver мобильдік қосымшасында өтіп, 20 қазан күні аяқталады.

Тengrinews.kz