Олимпиада чемпионын Ломаченкомен жекпе-жектен кейін ауруханаға алып кетті

02 сентября, 12:07
0 1

Британиялық Люк Кэмпбеллді (20-3, 16 КО) украиналық Василий Ломаченкомен (14-1, 11 КО жекпе-жектен кейін ауруханаға алып кетті, - деп хабарлайды "Спорт-Экспресс".

Лондондағы О2 аренасында өткен 12 раундты жекпе-жек қорытындысы бойынша Ломаченко жеңіске жетті. Осылайша, украиналық жеңіл салмақта WBO және WBA (Super) белбеулерін қорғап қалды және бос болған WBC титулын иеленді.

Британиялық боксшының промоутері Эдди Хирннің сөзінше, Кэмпбеллді ауруханаға жатқызу сақтық шарасы болды.

"Люкте бәрі жақсы. Ол өзін онша жақсы сезініп отырған жоқ, әсіресе денеден жасалған соққылардан кейін. Люк - батыл жігіт. Оны ауруханаға алып кетті, бұл сақтық шарасы. Онымен бәрі жақсы болады", - дейді Хирн.

Айта кетейік, бұл жекпе-жекте Олимпиада ойындарының екі чемпионы жұдырықтасты украиналық 2008 және 2012 жылдары, ал британиялық 2012 жылы алтын жүлде иеленген.

kaz.vesti.kz