Көк-Төбедегі өрт: Адам өліміне қатысты тергеу жүріп жатыр

12 августа, 12:10
0 1

Алматы полицейлері Көк-Төбеде шыққан өрттен қаза тапқан адамға қатысты тергеу жүргізіп жатыр, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

"Қазіргі уақытта Алматы полицейлері сотқа дейінгі бірыңғай тергеу реестрі аясында төтенше жағдайдан қаза тапқан адамның аты-жөні мен оқиғаның мән-жайын анықтап жатыр", - делінген полицейлердің хабарламасында. Ведомство мәліметінше, сот-медициналық сараптамалар тағайындалды. © Tengrinews.kz Еске салайық, кеше Көк-Төбеде өрт шығып, тікұшақтың жұмылғаны хабарланған болатын. Кейінірек Алматы әкімі Бақытжан Сағынтаев ірі өрт болған жерге барған еді. "Бүгін Көк-Төбе тауының оңтүстік-батыс баурайында үлкен өрт болды. Оқиға болған жерге келдім. Жағдай бақылауда. Қалаға қауіп жоқ", - деп жазған болатын қала әкімі Instagram желісіндегі парақшасында.